Notre Dame de Paris

                       

  Notre Dame de Paris

          İlk yazımı Notre dame de Paris kafedral kilsesi ilə başlamaq istədim.Çünki Parisdə turistlərin fikrini cəlb edən mükəmməl görünüşə malik olan yerlərdən biridir,həmdə ən sevdiklərimdəndir...

            "Paris Məryəm ana"kilsəsi kimi azərbaycan dilində tanınır.Amma mən hər bir adın öz dilində qalmasının tərəfdarıyam.

Notre Dame de Parisin tikintisinə 1163 cü ildə başlanmışdır.Buda VII Lüdovikin dövrünə təsadüf edir.Bir çox memar bu kilsə üzərində işləmişdir.Lakin əsas memarları Jan de Şel və 1250-1267 ci illərdə isə Pyer de Montrey olmuşdur.Ümümiyyətlə kilsənin tikilib başa çatmasına iki əsr təbii ki müəyyən fasilələrlə sərf olunmuşdur(1163-1345).Məbəd daim-tikildiyi gündən dövrümüzə qədər fəaliyyətdə olmuşdur.Burada dəfn,tac qoyma mərasimləri,orqan musiqi ifaları,tarixi hadisələrdən olan 1302 ci ildəki Fransa parlamentinin-Baş Ştatların ilk iclası məhz burada keçirilmişdir.Hal-hazırda kilsə Fransanın yepiskopluğuna ev sahibliyi edir.

Kilsə Qotika memarlığından behrelenerek tikilmişdir.Hündürlüyü 35 metr,uzunluğu 127 metr,eni 48 metrdir.Ön fasad üş nəhəng minatür heykəl ansamblları ilə bəzədilmişdir.Mərkəzi portal isə "Qiyamət günü" adlanır.Mərkəzdə İsa peyğembərin heykəli və iki mələk,   altında isə tütəklə oyaldımış ölülər təsvir olunur.Kilsənin ən bahalı,zəngin heykəli isə Məryam ana heykəlidir.Bu heykəl o dövrün varlı tacirlərinin sifarişi ilə hazırlarıb.Notre Dame De Parisdə 5 kilsə zəngi mövcuddur.Onların hər birinin ozunə məxsus çəkisi,adı,çalınma mövzusu vardır.Həcmcə ən böyüyü Emmanuel adlanır.onun cəkisi 13 tondur,dili isə 500 kqdır.Əvvəllər tez tez istifadə olunurdur,lakin sonradan hər çalındığında binanın sirkələndiyini görüb nadir hallarda istifadə etməyə başladılar.

XIX əsrdə kilsəyə o qədərdə yaxşı baxılmırdı,lazımsız olunduğuna aid söz-söhbətlər yarandı.Paris xalqı da buna görədə kilsəni sökmək qərarına gəldi.Məhşur fransız yazıçısı Viktor Hüqo isə buna narazı idi və "Notre Dame de Parisin Qozbeli" romanını yazdı və bu romandan sonra kilsə əvvəlki şöhrətinə qovuşdu hətta deyerdimki,dahada şohrətləndi və dunyada tanındı.Sonralar isə bu romana musiqili tamaşada hazırlandı.Hal-hazırda da dunyanın ən məhşur üç muzikalından biridir.

 İlin hər günü bu kilsə səhər saat 8-00 dan axşam 06-45 ə qədər acıqdır.Giriş isə pulsuzdur.